dies cursus vt ista. dierum
Est deus illa dies: vltima nostra quies
[Illustration: de gauche à droite: un cadavre, la chambrière, un cadavre, la recommanderesse.]
¶La mort.
Dictes ieune femme a la cruche
Renommee bonne chamberiere
Respondez au moins quant on huche
Sans tenir si rude maniere
Vous nires plus a la riuiere
Bauer: au four na la fenestre
Cest cy vostre iournee derniere
Aussi tost meurt seruant que maistre
¶La chamberiere
Quoy: ma maistresse ma promis
Me marier & des biens faire
Et puis si ay dautres amys
Qui luy aideront a parfaire
He: men iray ie sans riens faire
Ien appelle on me fait tort
Aussi ne men scauroye taire
Peu de gens desirent la mort
¶La mort.
Scauez vous recommanderresse
Point vng bon lieu pour moy loger:
Iay bien mestier que on madresse
Car nul ne me veult heberger
Mais ien feray tant desloger
Que on congnoistra mon enseign
